Tilgangur félagsins er að vinna að framþróun ferðaþjónustu á sérútbúnum bifreiðum í atvinnuskyni og gæta hagsmuna þeirra sem atvinnu hafa af slíkri þjónustu, gagnvart yfirvöldum og öðrum aðilum. 

Tilgangi sínum hyggst félagið ná með því að auka samskipti, fagmennsku og þekkingu félagsmanna og annarra á ferðaþjónustu á sérútbúnum bifreiðum í atvinnuskyni, upplýsa aðildarfélaga um mikilvægi náttúruverndar og góðrar umgengni um landið og stuðla að því að leyfis- og öryggismál bifreiða og félagsmanna séu í samræmi við lög og reglur.

Ef þú átt og rekur sérútbúna bifreið eða bifreiðar í ferðaþjónustu þá ert þú gjaldgengur.